Апп: Nomadic Kickers (com.nomadkickers.academy_tracker) · Хөгжүүлэгч: Гэрэгэ ХХК
Дасгалжуулагч, админ та бүртгэлээ хэдийд ч хааж болно. Хоёр арга байна: апп-аас шууд, эсвэл хүсэлт илгээх. Хүүхдийнхээ мэдээллийг устгуулах асран хамгаалагч энэ хэсгийг үзнэ үү.
1. Апп-аас шууд хаах
Хамгийн хурдан арга. Бүртгэл шууд, буцаах боломжгүйгээр хаагдана.
- Nomadic Kickers апп-даа нэвтэрнэ.
- Доод цэсний Бүртгэл таб → Бүртгэл хаах.
- Нууц үгээ оруулаад Тийм, хаах гэж баталгаажуулна.
- Бүртгэл хаагдаж, та бүх төхөөрөмж дээрээс автоматаар гарна.
Хэрэв та аль нэг академийн цорын ганц админ бол систем бүртгэл хаахыг зөвшөөрөхгүй бөгөөд аль академи саад болж байгааг нэрлэнэ. Эхлээд удирдлагын самбарын Багш нар хэсгээс өөр ажилтанд админ эрх олгоно уу.
2. Хүсэлт илгээх
Апп-даа нэвтэрч чадахгүй бол info@gerege.mn хаягаар «Бүртгэл устгах» гарчигтай хүсэлт илгээнэ үү. Хүсэлтдээ нэр, апп-д бүртгэлтэй утасны дугаараа бичнэ. Бид хүсэлт гаргагчийг утасны дугаараар нь баталгаажуулаад 30 хоногийн дотор бүртгэлийг хааж, танд хариу мэдэгдэнэ.
- Нууцлал, мэдээлэл устгах хүсэлт: info@gerege.mn
- Клубын имэйл: kickersnomadic@gmail.com
- Клубын утас: 90231800
- Хаяг: Белла Виста хотхоны хөлбөмбөгийн талбай
- Эрхлэгч: Гэрэгэ ХХК, Улаанбаатар, Монгол Улс
3. Бүртгэлээ хадгалаад зарим мэдээллээ устгах
- Тамирчны зураг — тамирчны профайл дээрх зураг дээр дарж → Устгах
- Асран хамгаалагч — тамирчны профайлаас асран хамгаалагчийг хүүхдээс салгах
- Ажилтны урилга — хүлээгдэж буй урилгыг академийн админ удирдлагын самбараас цуцална; цуцлагдсан урилга 90 хоногийн дараа устана
- Мэдээ авах имэйл, дэлгүүрийн захиалгын мэдээлэл — info@gerege.mn хаягаар хүсэлт илгээнэ
Ямар мэдээлэл устах вэ?
Бүртгэл хаахад дараах мэдээлэл нэгэн зэрэг устана:
- Бүх академийн гишүүнчлэл, үүрэг (админ, дасгалжуулагч) — шууд устана, ямар ч академийн мэдээлэлд хандах эрхгүй болно
- Бүх төхөөрөмж дээрх нэвтрэлт шууд хүчингүй болж, 30 хоногийн дотор устана
- Таны утасны дугаар руу илгээгдсэн, хүлээгдэж буй ажилтны урилгууд шууд цуцлагдаж, 90 хоногийн дараа устана
- Таны утасны дугаарын ашиглагдаагүй нэг удаагийн кодууд шууд хүчингүй болж, 7 хоногийн дотор устана
Ямар мэдээлэл үлдэх вэ?
- Нэр, утасны дугаар — хаагдсан бүртгэл дээр 12 сар хадгалагдана, ингэснээр таны оруулсан хэмжилт, үнэлгээ, бүртгэлийг хэн оруулсан нь тодорхой байна. Үүний дараах сард бид тэдгээрийг арилгана; бүртгэлийн мөр нэргүй дугаартайгаар үлдэнэ
- Таны оруулсан сургалтын бүртгэл — хүүхдийн ирц, хэмжилт, үнэлгээ, төлбөрийн бүртгэл нь академийн сургалтын бүртгэл тул академид үлдэнэ
- Нөөц хуулбар — өгөгдлийн сангийн нөөц хуулбарт хуучин утгууд ойролцоогоор 12 сар хадгалагдана. Иймд хаагдсан бүртгэлийн нэр, утас бүх хуулбараас 26 сарын дотор бүрмөсөн арилна
Хүүхдийн мэдээллийг устгуулах
Хүүхэд, асран хамгаалагч апп-д бүртгэлгүй — тэдний мэдээллийг академийн ажилтан оруулдаг. Асран хамгаалагч хүүхдийнхээ мэдээлэлтэй танилцах, засуулах, устгуулах бол info@gerege.mn хаягаар хүүхдийн нэр, өөрийн утасны дугаарыг бичиж хүсэлт илгээнэ үү. Бид асран хамгаалагчийг баталгаажуулаад 30 хоногийн дотор хүсэлтийг шийдвэрлэж, хариу мэдэгдэнэ. Сургалтын төлбөрийн бүртгэл нягтлан бодох бүртгэлийн шаардлагаар хадгалагдана.
Анхаарах зүйл
- Бүртгэл хаахыг буцаах боломжгүй.
- Дахин ажиллах бол академийн админ таныг шинээр урина. Та ижил утасны дугаараар бүртгүүлж болох ч хуучин гишүүнчлэл сэргэхгүй.
- Апп-аа утаснаасаа устгах нь бүртгэлийг хаахгүй — дээрх алхмуудыг заавал гүйцэтгэнэ үү.